f Van lei Pa Tha Bik ~ Lai Pathian Hla -->
⚠ Hi Blog hi cu http://laipathianhla.blogspot.in/ ah thleng a si cang.
Font Style le Font Size Tlengnak :



Misual bik ka si lio caan-ah, Ka thiamconak Bawipa Jesuh
Ka derthawm lio caan-ah ṭhawnnak, Ka dam lo caan-ah damnak
A ka thlathiam bal lo Bawipa, A kut cak in a ka hruai i
Jordan tilet cu tho hmanhseh, A mah nih a ka tan pi..

Van ah nangmah kan ngeih caah
Lei ah herh mi dang ka ngei lo
Van lei Pa ṭhabik ka ngeih hnu ahcun
A mah ah mangtam a um lo
A mah ah sifahnak a um lo
A mah ah ngeihchiatnak um lo
Cun nun cu hrawmh mi kan si..

Mit in hmuh mi kan lei taksa, Cu tumchuk in derthawm hmanhseh
Mit in hmuh lo chung lei nun ah, Na thawnnak na langhter tawn
Thangchiat le mulphonak ram ah, Thut le dir zia na ka cawnpiak
Ka fa dawt maw lam pial sual lai, Tiin veng tu PA na si..

Vawlei ah mifim mithiam le, Mui dawh samṭha zong an tam ko
Cu hna lak ah santlai lo cem, Fa a bik zun tu ka Pa
Na mit falai bang na ka ven, Ka tlin lonak hmuh piak lo in
Miṭha bang na ka co hlan hi, Ka phut lo thlachuah a si..

Maw ka PA aw na fa kei cu, Na ka dawt bang kan daw kho lo
Na caah zumh ka tlak lo zia, Ka ruah ah mitthli a luang
Ka nitin nunnak ka ruah-ah, Sual phunhrung in ka tap ve tawn
Ka nun lam thluan caan tawi te hi, Na sunparnak ca hmang ko..

Van lei Pa Tha Bik

  • Tial Tu: Lai Pathian Hla
  • Views:
  • Hla Chung Ummi: ,
  • Share In Kan Bawm Ve U>>

     

    YouTube Subscribe Me NOW!

    Copyright © Lai Pathian Hla
    Blogger Templates Wallpapers Hack Wfi